INTRODUSAUN

 LIXU

    Lixu mak sasan restu ka sasan uzadu ida nebee ita ema utiliza ba iha ita nia nesesidade humana nebee dalaruma ita la konsiente no dalabarak liu ita soe arbiru iha fatin publiku. Baseia ba peskiza nebee ami hetan katak iha merkadu Tai-besi mak fatin ida nebee ema hotu-hotu bele buka moris iha fatin neba liu husi faktor Peskas,Agrikultura,nsst. Maibe dalabarak Vendedor sira ladun tau atensaun ba iha lixu nebee mak sira produz liu husi sasan nebee sira faan.

    Lixu hanesan material sira nebee mak ema serve para utiliza fali ou restu husi sasan sira nebe mak ema uza tiha ona no nia la serve para atu utiliza fali. Lixu normalmente iha forma oi-oin nebee mak mai husi fabrika industria sira, fabrika biologika sira, fabrika domestika no fabrika espesial sira seluk no iha impaktu nebee bele fo ameasa ba ema nia saude. Lixu sira nebee bele gauza ba impaktu ambiental mak lixu sira nebee laos natural katak lixu sira nebee ema mak produz.

    Iha vida humanidade nia estensia fo konseitu no definisaun ambiente mak lixu iha klasifikasaun tuir nia esperensia sira. Lixu klasifika sai parte ida husi ita nia ambiente mak mai husi ai-han nia restu sira, surat-tahan sira, plastiku sira, borraxa sira, aikulit sira nia restu, hena restu sira, nsst.